Oidhreacht Chorca Dhuibhne - Leathanach Baile

FÁILTE

Baile an Fheirtéaraigh,
Trá Lí
Co. Chiarraí

Fón: +353 (0)66 915 6100
Facs: +353 (0)66 915 6348
Ríomhphost: eolas@cfcd.ie

Togra cultúir is oidhreachta is ea Oidhreacht Chorca Dhuibhne. Tá an comhlacht lonnaithe i mBaile an Fheirtéaraigh, i gceartlár Ghaeltacht Chorca Dhuibhne, in Iardheisceart Cho. Chiarraí. Tá an Oidhreacht ann ó 1980 agus é ar cheann d’fhochomhlachtaí Chomharchumann Forbartha Chorca Dhuibhne.

An aidhm atá aige ná oidhreacht ársa teangan, chultúir, litríochta is sheandálaíochta leithinis Chorca Dhuibhne a chaomhnú, a bhuanú is a chur chun cinn ar mhaithe le pobal an cheanntair agus do thurasóirí is do chuairteoirí chun na háite.

Deintear iarracht ar leith, tré ghníomhartha na hOidhreachta. an Ghaoluinn a bhuanú mar theanga theaghlaigh, teanga an phobail agus teanga an lucht ghnó. Is mór ag Oidhreacht Chorca Dhuibhne an tacaíocht a fhaigheann an t-eagras ón Roinn Gnóthaí Pobail, Tuaithe agus Gaeltachta, ó Údarás na Gaeltachta, ón gComhairle Ealaíon is ón gComhairle Oidhreachta.

Register for Irish Lanugage Courses for Adults 2010

“Sé is brí le hoidhreacht ná suim na n-acmhainní atá againn chun maireachtana”
Doncha Ó Conchúir, duine de bhunaitheoirí Oidhreacht Chorca Dhuibhne.

4^ú Eanáir 2012
Plean Forbartha Pobail Teanga Lárnaithe

Plean Forbartha Pobail Teanga Lárnaithe

Leanfar leis an obair maidir le Plean Forbartha Pobail Teanga Lárnaithe d’Iarthar Dhuibhneach a dhréachtadh agus a fhoilsiú in 2012. Is próiseas é an sórt seo oibre a thógann am agus comhoibriú. Más spéis leat an obair bheadh an-fháilte romhat teagmháil a dhéanamh linn – ba mhór ag an nGrúpa Stiúrtha tacaíocht an phobail san obair seo.

A THUILLEADH

4^ú Eanáir 2012
Cúrsa / Course : (i) Cruinneas & Scríobh na Gaeilge (ii) An Ghaeilge & an Fhilíocht & An Ealaín ; The Irish Language and the Arts: Poetry & Painting

2012

24-25 Feabhra

Cruinneas agus Scríobh na Gaeilge

Pléifear litriú, ceisteanna cruinnis agus gramadaí agus cúrsaí eile a bhaineann le háiseanna don té atá ag scríobh nó ag teagasc na Gaeilge./ Ní mhór do rannpháirtithe a bheith líofa go maith sa Ghaeilge/ Participants, who need to be quite fluent in Irish, will write/correct/proofread sample material, discuss matters arising and some helpful resources/tools available to teachers, translators etc.

Costas €100

25 & 26 Márta/ March

An Ghaeilge & An Fhilíocht & An Ealaín/

The Irish Language & The Arts: Poetry & Painting.

Do rogha! Ceardlann filíochta nó péintéireachta tré Ghaelainn in atmaisféar taitneamhach i gceantar álainn Chorca Dhuibhne.

Costas: €130

A THUILLEADH

4^ú Eanáir 2012
Bliain nua fé mhaise is fé shláinte dhaoibh go léir!

Bliain nua fé mhaise is fé shláinte dhaoibh go léir!

Coláistí Chorca Dhuibhne

Beidh Cúrsaí Deireadh Seachtaine ar bun ag Coláistí Chorca Dhuibhne as so go dtí deireadh na scoil bhliana. Tá scoláirí ag teacht chun deireadh seachtaine a chaitheamh anso ó scoileanna difriúla ar fud na tíre.

Oidhreacht Chorca Dhuibhne
Cuirfear tús le ranganna Oidhreacht Chorca Dhuibhne arís an tseachtain seo chugainn ar an gCéadaoin11 Eanáir, Rang Léitheoireachta ag 10.00am, rang TEG B1 ag 11.30, agus an Ghramadach Déardaoin 12ú ar 9.30. Beidh an mhaidin chaife ar siúl ar an Aoine 13ú.

Leanfar leis an obair maidir le Plean Forbartha Pobail Teanga Lárnaithe d’Iarthar Dhuibhneach a dhréachtadh. Más spéis leat an obair bheadh an-fháilte romhat teagmháil a dhéanamh linn agus a bheith páirteach.

Beidh na Seisiúin Amhránaíochta le Páidí Mhárthan Mac Gearailt agus Áine Uí Laoithe ar siúl sna scoileanna aríst in 2012.

Comhghairdeas le Ben Ó Loingsigh agus Simon Ó Faoláin a thug an svae leo i dTigh Bhric ar an 2 Eanáir. Bhí an-oíche chuileachtan ann a bhuíochas le gach éinne a ghlac páirt agus go speisialta le Máire Ní Chinnéide a d’eagraigh an ócáid.

Teacht le chéile ag an gClub Leabhar ar an gCéadaoin 18 Eanáir, 8.00pm. Is é an leabhar An Fhaoileann Aonarach, le Cáit Uí Dhúbhda a bheidh fé chaibidil. Fáilte romhat bualadh isteach sa Mhúsaem ar an mBuailtín.

Beidh na Cuntóirí Teanga ar fad ar ais i mbun oibre ón Luan seo chugainn, 9 Eanáir go dtí deireadh an Aibreáin.

Beidh an chéad Oíche Áirneáin de 2012 ar siúl ar an gCéadaoin 18 Eanáir in Óstán Benners ar an tSráid Mhór. Buail isteach má bhíonn aga agat!

A THUILLEADH

CARTLANN NUACHTA