Togra cultúir is oidhreachta is ea Oidhreacht Chorca Dhuibhne. Tá an comhlacht lonnaithe i mBaile an Fheirtéaraigh, i gceartlár Ghaeltacht Chorca Dhuibhne, in Iardheisceart Cho. Chiarraí. Tá an Oidhreacht ann ó 1980 agus é ar cheann d’fhochomhlachtaí Chomharchumann Forbartha Chorca Dhuibhne.
An aidhm atá aige ná oidhreacht ársa teangan, chultúir, litríochta is sheandálaíochta leithinis Chorca Dhuibhne a chaomhnú, a bhuanú is a chur chun cinn ar mhaithe le pobal an cheanntair agus do thurasóirí is do chuairteoirí chun na háite.
Deintear iarracht ar leith, tré ghníomhartha na hOidhreachta. an Ghaoluinn a bhuanú mar theanga theaghlaigh, teanga an phobail agus teanga an lucht ghnó. Is mór ag Oidhreacht Chorca Dhuibhne an tacaíocht a fhaigheann an t-eagras ón Roinn Gnóthaí Pobail, Tuaithe agus Gaeltachta, ó Údarás na Gaeltachta, ón gComhairle Ealaíon is ón gComhairle Oidhreachta. |
|
“Sé is brí le hoidhreacht ná suim na n-acmhainní atá againn chun maireachtana”
Doncha Ó Conchúir, duine de bhunaitheoirí Oidhreacht Chorca Dhuibhne.
|
31ú Lúnasa 2010
Plean Teanga Chorca Dhuibhne
Tá Oidhreacht Chorca Dhuibhne ag eagrú sraith cruinnithe le coistí pobail agus grúpaí pobail i gceantar Chorca Dhuibhne. Is í aidhm na gcruinnithe seo ná plean teanga a chur le chéile i dteannta a chéile do na chéad trí bliana eile amach romhainn.
A THUILLEADH
|
|
|
|
|
