Bailíonn, cosnaíonn, coimeádann, coinníonn in iontaoibh, taispeánann agus léirmhíníonn Músaem Chorca Dhuibhne réimse leathan iarsmaí agus sonraí a bhaineann le hoidhreacht shaibhir nádúrtha agus chultúrtha Leithinis Chorca Dhuibhne, agus déanann sé a dhícheall oideachas, siamsaíocht agus saibhriú a thabhairt do gach cuairteoir, ón mac léinn áitiúil go dtí an scoláire, chomh maith lenár gcuairteoirí samhraidh iomadúla, ó Éire agus thar lear.

Sa mhúsaem gheobhaidh tú éachtaint ar gheolaíocht, ar sheandálaíocht agus ar stair na leithinise. Tá cuid dos na hiarsmaí ar iasacht ó Ard-Mhúsaem na hÉireann, agus táimid an-bhuíoch díobh astu sin. Féach ar ár gCatalóg

Bíonn clár taispeántaisí taistil bliantúil ar ábhair dhifriúla againn chomh maith. (Taispeántaisí Taistil). Tá ár dtaispeántas reatha, a bhfuil súil againn a bheith ar taispeáint go luath, faoi ‘An tAigéan agus Sinne”, urraithe ag Foras na Mara, Foras na Mara (Féach chomh maith ‘Nuacht’).

Oibríonn Músaem Chorca Dhuibhne go dlúth i gcomhar le hOidhreacht Chorca Dhuibhne ag eagrú imeachtaí agus gníomhaíochtaí chun gnéithe den oidhreacht doláimhsithe maidir leis an gcultúr Gaelach a chur chun cinn agus chun béim a láidriú ar úsáid na Gaeilge.

Bímid breá sásta chomh maith eolas a chur ar fáil faoi shiúlóidí sa cheantar, suíomhanna ar mhaith leat cuairt a thabhairt orthu agus gníomhaíochtaí eile atá ar fáil in Iarthar Chiarraí.

Tá caifé (bácáil sa bhaile!), agus siopa leabhar, ina bhfuil cártaí agus bronntanais bheaga a rinneadh sa cheantar, sa mhúsaem freisin.

I rith míonna an gheimhridh tá an músaem ar oscailt ach é a iarraidh. Cliceáil anseo le haghaidh sonraí teagmhála. Tá súil againn go mbainfidh tú taitneamh as do chuairt

Téigh go dtí an suíomh Gréasáin